Туркияда "Ўзбек киноси куни" бўлиб ўтди

Туркияда 8-12 ноябрь кунлари бўлиб ўтаётган "Коркут ата" халқаро кинофестивалида таниқли ўзбек киноижодкорлари ҳам иштирок этмоқда.

Кинофестиваль дастурида 11 ноябрь куни "Ўзбек киноси куни" ташкил этилди.

Қайд этилишича,  кечада ўзбек миллий куй-қўшиқлари ва рақслари янграган. Сўнгра Кинематография агентлиги буюртмасига биноан суратга олинган режиссёр Рашид Маликовнинг "Тутқунлик" фильмининг премераси бўлиб ўтган.

Кечада ўзбек киноижодкорлари, Туркиядаги ўзбекистонликлар ва маҳаллий аҳоли ҳам иштирок этган.

Маълум қилинишича, 11 ноябрдан Туркия миллий телеканалларида кинофестивалда намойиш этилган ўзбек фильмларининг телевидение премьералари ҳам бошланган.